Дмитрий Иванович Кривошапкин аатынан “Хомус” ФДь саҥа дьыллааҕы тэрээһиннэр быйыл ураты көстүүлээх, үрдүк таһаарыылаахтык аастылар. Ол курдук:
Ахсынньы 31 күнүгэр “Назад в СССР” диэн театрализованнай дьүһүйүү, ону тэҥэ «Happy new year» сүүйүүлээх оонньуу. Сүрүн бириис хаһаайынынан Үөдэйтэн сылдьар ыалдьыппыт … Смарт телевизор сүүйэн үөрүү көтүү үктэллээх тарҕаспыппыт;
Тохсунньу 1 күнүгэр уоттаах – күөстээх үҥкүү дьоро киэһэтэ. Үҥкүүнү иилээн – саҕалаан ыыппыта шоумен Михаил Макаров;
Тохсунньу 2 күнүгэр, күнүс 11.00 чаастан кырачаан оҕолорго утренник, киэһээ өттүгэр саҥа сылга, саҥа ааттар “Две звезды” дьоро киэһэтэ;
Тохсунньу 7 күнүгэр культура эйгэтигэр 2022 сыл түмүгүнэн бастыҥтан бастыҥнары талыы, талааҥҥын таба тайан “Үҥкүүлээ” проект. Ону тэҥэ саҥа сылга бэйэ бэйэҕэ үөрүүнү бэлэхтэһиэх диэн “Аптаах сундук” (волшебный сундук) саҥа дьыллааҕы бэлэхтэр оонньоммуттара;
Тохсунньу 13 күнүгэр угэскэ кубулуйбут Бартыһаан нэһилиэгин тутаах туруу үлэһиттэрин, тэрилтэлэрин икки ардыларыгар ыытыллар “Новогодний цирк” көрүү конкурс.
Конкурс түмүгүнэн кыайыылааҕынан таҕыстылар:
1м – “Кустук” оҕо уһуйаан тэрилтэтэ;
2м – “Айылгы” орто оскуолата;
3м – олохтоох дьаһалта;
Бу курдук биир киһилии түмсэн Бартыһаан нэһилиэгэр үүммүт 2023 көрсүбүппүт.
Куруук инники күөҥҥэ сылдьар, талба талааннаах дьоммутугар барҕа махтал маанытын анаатахпыт буолуохтун!!!
