Улуу Кыайыы 81 сылыгар „Уруйдан Улуу Кыайыы“ ПАРАД
Ыам ыйын 8 күнүгэр Бартыһаан нэһилиэгэр, „Эйэ былааҕын“ скверыгар Эйэлээх олох иһин хорсуннук охсуспут биир дойдулаахтарбытыгар, үйэ-саас тухары Сугуруйэн! Махтанан! Кэриэстээн! Улуу Кыайыы 81 сылын көрсөр үөрүүлээх парадпыт буолан ааста.Парад кыттыылаахтара, тэрилтэлэр колонналара уут заводуттан мустан хааман кэллилэр.
Смена караула 4 оскуола оҕото, Парад строевой 4 колонналарынан турдулар
Нэһилиэкпит инники кэскиллэрэ, кэнчээри ыччаттара: „Кэскил“ оҕо уһуйаанын иитиллээччилэрэ биһиги кырачаан оҕолорбут бу үөрүүлээх күҥҥэ уруйдаатылар хорсун — хоодуот саллааттары, айхаллаатылар ытык-мааны ветераннары! Сэбиэдиссэй Петрова Вера Семеновна.
1941-1945 сылларга Аҕа дойду Улуу сэриитин хомууругар Бартыһааммыт сириттэн, уоттаах сэриигэ ыҥырыллан 108 нэһилиэкпит чулуу уолаттара, аҕаларбыт, эһэлэрбит бу ытык кырдалтан уоттаах, кырыктаах сэриигэ саа-саадах тутан Ийэ Дойдуларын көмүскүү туруммуттара.
Уруй буоллун Кыайыыны уһансыбыттарга!
Айхал буоллун! Эйэни аҕалбыттарга!
Ытык-мааны ветераннарга! Ураа!
……………………………………………………………………………………….
-Уруй! Буоллун хорсун буойунна!
-Айхал! Буоллун ветеранна!
Ытыктыыр Аҕа көлүөнэбит, тыыл — үлэ ветераннара, сэрии тулаайахтара!
Эһигини Улуу Кыайыы 81 сылын көрсөр үөрүүлээх күнүнэн итиитик — истинник эҕэрдэлиибит!
Ийэ дойду чиэьин уонна көҥүлүн иһин бойобуой кыргыһыыгытынан, хорсун үлэҕитинэн, туруулаһан туран чиэстээхтик көмүскээбит, араначчылаабыт А5а келуенэбитинэн киэн туттабыт, ытыктыыбыт уонна кэриэстиибит!
Сана сайдыылаах олохпут чэгиэн, эйэлээх, бигэ туруктаах буоларыгар бары биир киьилии сэриини утарабыт. Тереебут Ийэ сирбитигэр Эйэ эрэ туругурдун!
Э5эрдэ тыл эттэ «Партизан нэһилиэгэ» МТ Аҕа баһылыгар Зырянов А.Н.
Улуу Кыайыы күнүнэн бэйэтин эҕэрдэ тылын тиэртэ Иванов Иннокентий Иннокентьевич уонна байыаннай ырыалары ыллаата
парадка кыттыыны ылаллар, Аҕа дойдуну көмүскээччилэр күннэригэр оскуолаҕа ыытыллыбыт строевой хаамыы күрэҕин кыайыылаахтара 4кыл үөрэнээччилэрэ. Кылаас салайааччыта Павлова Валентина Яковлевна. Уонна 10кылаас үөрэнээччилэрэ. Кылаас салайааччыта Константинова Нюргуяна Егоровна.
Алгыстаах эҕэрдэтин эдэр ыччакка анаата Тыыл ветерана, нэһилиэкпит Ытык киһитэ, СР тыатын хаһаайыстыбатын ветерана — Клара Афанасьевна Николаева.
Истин — иһирэх эҕэрдэтин нэһилиэгин дьонугар эттэ Тыыл ветерана Петр Алексеевич Тимофеев.
Тыыл ветераннарбытын Улуу Кыайыы күнүнэн эҕэрдэлээтилэр үнкүүлэринэн «Сандаара» оҕо үнкүү ансаамбыла. Салайааччы Алексей Дьячковскай.
СВО кыттыылаахтара эҕэрдэлэрин тиэртилэр.
Быйыл биһиги нэһилиэккэ олоро сылдьыбыт биир киэн туттар ветераммыт, Аҕа дойду Улуу сэриитин кыттыылааҕа, Барамыгин Кирилл Егорович төрөөбүтэ 100 сааһын оҕолоро, сиэннэрэ, хос сиэннэрэ, хос, хос сиэннэрэ Ытыктаан, сүгүрүйэн, махтанан бэлиэтииллэр. Кирилл Егорович уоттаах сэриигэ 1944 сыллаахха Көбөкөн нэһилиэгиттэн ыҥырыллан барбыта. 1948 сыллаахха сэрииттэн этэҥҥэ эргиллэн кэлэн Партизан нэһилиэгэр олохсуйбута. Нам совхозка үтүө суобастаахтык кочегарынан, рабочайынан үлэлээбитэ. «Японияны Кыайыы иһин» мэтээллээх. Барамыгин Кирилл Егорович уола кэлэн тыл эттэ.
9 маай бырааһынньыгынан эҕэрдэлэрин тиэртилэр «Журавли» диэн ырыанан «Хомус» ансаамбыла. Салайааччы М.Аргунова, Т Афанасьева.
Кыайыы күнүнэн эҕэрдэ тыл эттэ «Көмүлүөк» ветераннар түмсүүлэрин салайааччыта Соловьева Г.М.
Улуу Кыайыы парадын кыттыылаахтарын эҕэрдэлээтилэр Д.И.Кривошапкин аатынан «Хомус» ф.дь үлэһиттэрэ.
А5а дойдуну көмүскүүр Улуу сэриигэ, Кыайыы 81 сылын бэлиэтиир өрөгөй күммүтүгэр долгутуулаах ытык миэстэҕэ, үйэлэргэ умнуллубат, сэрии толоонуттан эргиллибэтэх бухатыыр буойуттарбыт, хорсун хоодуот байыастарбыт Албан ааттарыгар сүгүрүйэн Ытык өйдөбүнньүк гирлянданы ууран хонкуйан туран, кэриэстээтибит.
— Өйдөбүнньүк гирлянданы уураллар Сэрии оҕолоро:
— Иванов Михаил Иванович
— Иванов Иван Иванович.
-Аргунова Варвара Михайловна
-Оконешникова Марфа Васильевна
-Протопопов Егор Афанасьевич.
-Кудрина Мотрена Романовна
-Шадрина Роза Петровна
-Колесова Нина Ивановна.
-Сыромятников Василий Васильевич.
-Атласова Александра Семенов
Ийэ дойдуну көмүскээн Аҕа дойду сэриитигэр геройдуу охсуһан олохторун толук уурбут биир дойдулаахтарбытыгар сүгүрүйэн, махтанан корзиналаах сибэкки уурдулар кэнчээри ыччаттарбыт «Кустук» оҕо уһуйаанын итиллээччилэрин выпустниктара .
Бу кырыктаах сэрии толоонугар охтубут, олохторун толук уурбут буойуттарбытыгар уонна сэрииттэн тыыннаах эргиллэн эйэлээх олоҕу уһансыбыттарга сүрэхпитигэр сөҥөрдөн туран, кинилэр сүдү ааттарыгар сүгүрүйэн, үйэ-саас тухары Махтанан өйдөбүнньүк чүмэчини уурдулар уонна бүтүн дойду үрдүнэн биллэриллибит кутурҕан мүнүүтэтигэр чуумпуран турдулар.
Нэһилиэкпит олохтоохторун уонна ыалдьыттарын Улуу Кыайыыны Уруйдаан Айхаллаан Кыайыы оһуохайыгар ыҥырдылар! Оһуохайы таһаада Нам улууһун биир бастыҥ оһуохай этээччитэ, фольклориһа Елена Маркова.
Уруйдана туруохтун Улуу Кыайыы кунэ!
Суох буоллун кырыктаах кыргыьыы!
Баар буоллун өрүү Эйэ! Эйэ! Эйэ!
Комментарии