Муус устар 22 күнүгэр, күнүс 14ч, Д.И. Кривошапкин аатынан «Хомус» ФДь *Ротанганан сумка — корзина* оҥорорго маастар кылаас буолла. Маастар кылааһы ыыттылар талааннаах уран тарбахтаахтар Аммосова М.С., Иванова А.С. Бэйэлэрин билиилэрин, уопуттарын үллэстэн, дьону үөртүлэр, элбэххэ үөрэттилэр.
👜👜👜👜👜👜
Нэһилиэкпит Далбар Хотуттара кэлэн илиилэрин сылааһынан оҥорбут сумкаларын тутан, үөрэн-көтөн бардылар.
Бу маастар-кылааһы ыыппыт уран тарбахтаахтарбытыгар уоппуттарын, сатабылларын биһигини кытары үллэстэн, ис-иһиттэн кыһанан үөрэппиттэригэр уонна кыттыыны ылбыт, бары кыттааччыларбытыгар бу түгэни туһанан, саҥа сатабыллары баһылыырга баҕаран кэлбиккитигэр улахан махтанабытын тиэрдэбит. Хас биирдиигит бэйэтин талаанын, дьоҕурун арыйан, бүгүн саҥа үөрэхтээх тарҕастыбыт диэн эрэнэбит. Салгыы даҕаны айар-тутар куккут умуллубатын, саҥаттан саҥаны баһылыырга дьулуһа туруҥ! Айар-тутар дьоҕургут күнтэн-күн, сылтан-сыл сайда чэчирии турдун, үлэҕитигэр ситиһиилэри! Дьиэ кэргэҥҥитигэр или-эйэни, чэгиэн, дьоллоох олоҕу баҕарабыт!
Комментарии