Сыспай сиэллээх ситимигэр
Кулун тутар 20 күнүгэр “И.С.Шарапов аатынан Никольскайдааҕы сири туhаныы» үлэһиттэрэ тэрийэн сылгыһыт күнүн көрсө нэhиэлиэк сылгыhыттарын э5эрдэлээн сылгыhыт күнүн
«Сыспай сиэллээх ситимигэр» тэрээhин үрдүк таhымнаахтык ааста.
Тэрээhин Дьөһөгөй Айыы оҕотугар алгыһынан арыллынна. Нэһилиэкпит сылгыһыттара олохтоохторо уонна ыалдьыттара алгыстанныллар. Алгыс сиэрин-туомун ыыта Нам улууhун Олоҥхо дьиэтиттэн Светлана Николаевна Лукина. Тэрээһин сүрүн сыалынан буолла музейбыт иһинэн тэриллибит «Сайдыына» иис түмсүүтэ тикпит «Чаппараах кыбытык тигии» ат симэҕин набор комплегы туттарыыта нэһилиэкпит сылгыһыт күрэҕэр кыттар хамаандатыгар. Иис түмсүү салайааччыта Никольскай нэһилиэк «Ытык киһитэ», «Никольскай нэһилиэк социальнай-экономическай» бэлиэ, Нам улууһун «Бастыҥ ийэ» 2025 с. анал аат хаһаайкалара, Нам улууһун норуот маастара Анна Еремеевна Олесова. Сылгыһыттарбыт үөрэн сөҕөн махтаннылар. Никольскай нэһилиэгин «Ытык киһитэ», ытыктыыр киһибит Леонтьев Егор Романович уруккуну ахтан, нэһилиэкпититтэн биллэр, удьуор сылгыһыт ыаллары кэпсээн, Нам улууһуттан Өрөспүүбүлүкэҕэ аатырбыт Сындыыс сууруук аты бастакынан Никольскайтан Сысолятин Тихон Александрович сүүрдэн бастаабытын билиһиннэрэн кэпсээтэ. Нэһилиэкпит аҕа баһылыга Уйгу Сайаан Айхан уола эҕэрдэлээтэ. И.Е.Бубякина аатынан «Күндүл» НАДь үлэһиттэрэ көҕүлээннэр Партизан нэһилиэгиттэн «Сайбай» фольклор бөлөҕө чабырҕахтаан тэрээһини олус киэргэттилэр. Төгүрүк остуолга аһаҕас кэпсэтии,видеоархивтары көрүү буолла. Бу күн кэлбит сылгыһыттарбытыгар, Салбан нэһилиэгиттэн кэлбит ыалдьыттарбытыгар махталбытын тиэрдэбит,бары үчүгэйи баҕарабыт
21.03.2026 с. «И.С.Шарапов аатынан сири туһаныы» музей коллектива
Комментарии