Хомуспут үйэлэргэ дьиэрэйэ турдун.
Кулун тутар 14 күнүгэр үс коллектив норуот ансаамбылларын аатын көмүскүүр долгутуулаах күннэрэ буолан ааста. Экспертыыр хамыыһыйа кытаанах ирдэбиллээх.
Өрөспүүбүлүкэтээҕи норуот айымньытын дьиэтин норуот айымньытын салаатын специалиһа, РФ уопсай үөрэхтээһинин бочуоттаах үлэһитэ, СӨ култууратын, үөрэҕириитин уонна ыччат политикатын туйгуна, учууталлар учууталлара, Саха сирин методиһа бочуоттаах бэлиэ хаһаайына Николай Терютин, өрөспүүбүлүкэтээҕи норуот айымньытын дьиэтин норуот айымньытын салаатын сэбиэдиссэйэ, СӨ култууратын уонна бэчээтин туйгуна, «Гражданскай килбиэн» бэлиэ хаһаайына Ираида Похомова, , өрөспүүбүлүкэтээҕи норуот айымньытын дьиэтин норуот айымньытын салаатын сүрүннүүр специалиһа, култууратын туйгуна Сардана Егорова дьүүллээн бигэргэттилэр.
Бастакынан «Дьүрүл» норуот ансаамбыла кэнсиэри аста. Бииртэн биир үчүгэй толоруулар, бэлэмнээхтэрэ өтө көстөр. Уһуйаан «Сыккыс» ансаамбыл салайааччыта Марфа Захарова оҕотуттан саҕалаан кытыннылар, алын сүһүөх кылаастар «Үрүйэчээн» ансаамбыл салайааччыт Галина Соловьева, «Күөрэгэй» анасамбыл икки сүһүөхтээх орто уонна үрдүкү кылаас үөрэнээччилэрэ салайааччы Вера Гаврильева, «Дьүрүл» эдэр көлүөнэтэ салайааччы Татьяна Афанасьева, киэн туттар «Дьүрүл» ансаамбылбыт төрүттэниэҕиттэн Владимир Колесов салайар.
Бу сыллар тухары 32 импровизатор хомусчут баар буолла. «Сайбай» чабырҕахсыттар ансаамбыл (сал. Альбина Алексеева) кыттыыны ыллылар, олоҥхо аахтылар, Дмитрий Кривошапкин «Хомус» ырыатынан үҥкүүлээтилэр, «Күрүлгэн» ансаамбыл (сал. Нюргуяна Сысолятина) дьиэ кэргэн ансаамбыла, Дмитрий Кривошапкин бырааттара уонна сиэн бырааттара (сал. Виталий Кривошапкин) кытыннылар.
Видеоплеер
«Дьүрүл» норуот ансаамбыла «норуот» аатын ситиһиилээхтик көмүскээтэ. Көмөлөспүт култуура отделын үлэһиттэригэр Александра Новгородоваҕа, Анна Николаеваҕа, «Хомус» ФДь салайааччытыгар Семён Алексеевка, нэһилиэкпит аҕа баһылыгар Алексей Зыряновка, бука бары кыттыбыт коллективтарга итии-истиҥ эҕэрдэ, оҕолор төрөппүттэригэр барҕа махталбытын тиэрдэбит, «Дьүрүл» норуот ансаамбыла махталын тиэрдэр.
Үс коллектив норуот ааттарын көмүскээн үөрүүлэрэ үрдээн, ис-истэриттэн сырдаабыкка дылы буоллулар. Өрүү бу курдук хомускут тыаһа ыраахха диэри дьүрүһүйэ турдун! Убайбыт Дмитрий Иванович аатын ааттата сылдьаргытыгар барҕа махтал! Киэҥ туттабыт, үөрэбит!
Кривошапкиннар аймахтар махталлара муҥура суох.
Полина Скрябина, Партизан
Комментарии