Бартыһааннар харчынан да, аһынан да үгүөрүтүк көмөлөстүлэр.
Бүгүн улууспут үрдүнэн СВО-ҕа көмө акция күнэ. Бартыһаан нэһилиэгин олохтоохторо, сааһыттан тутулуга суох, акцияҕа көхтөөхтүк кытыннылар.
Детсад, оскуола, кулууп, олохтоох дьаһалта уонна общественность буолан харысхал бэлиэлэри оҥордулар.
Барыта 134 устуука харысхал оҥоһуллан туттарылынна.
Үөрэнээччилэр байыастарбытыгар сурук суруйдулар.
Оскуола коллектива уонна оҕолор маскировочнай сетка өрөн биэрдилэр.
Нэһилиэк дьоно 3 куул ынах этин туттардылар.
Онон барыта 105 кг эт, 136000 солк. көмө киирдэ.
Полина Скрябина
Комментарии