Олунньу 13 күнэ Саха Сиригэр Төрөөбүт тыл уонна сурук-бичик күнүн быhыытынан бэлиэтэнэр. Саха Ѳрѳспүүбүлүкэтин бастакы Бэрэсидьиэнэ Михаил Ефимович Николаев «Төрөөбүт тыл уонна сурук-бичик күнүн биллэрэр туhунан» 1294 № Ыйааҕа 1996 сыллаахха олунньу 9 күнүгэр тахсыбыта.
Саха тылым кэрэтэ — кэрэмэһэ,
Ытык тылым эҥитэ — элэмэһэ
Айылыннын, айхалланнын!
⚜️⚜️⚜️⚜️⚜️⚜️
Саха тыла — аар тайҕа!
Саха тыла — баай байҕал!
Саха тыла — таалар сыһыы,
Күөгэлдьийэр күөх алаас!
Бүөтүр Тобуруокап.
Бу Күн араас үөрэх кыһаларыгар, культура кииннэригэр Төрөөбүт тыл уонна сурук—бичик күнүгэр аналлаах араас тэрээһиннэр ыытыллаллар. Ол курдук биһиги нэһилиэкпитигэр «Хомус» Ф.Дь. олунньу ый 12 күнүгэр түөлбэлэр икки ардыларыгар оонньуу буолан ааста. Барыта үстү киһилээх түөрт хамаанда кытынна.
Күрэх түөрт түһүмэхтээх:
1. Викторина — Алексеева А.А.
2. Оонньуу «Тылтан тыл таһаарыы» 5 мүн.иһигэр — Колесов В.В.
3. Оонньуу «Саха сирин суруйааччыларын псевдонимнарын таайыы» — Сысолятина Н.Р.
4. Оонньуу Сорудахтар «Букубаттан тылы булуу» — Афанасьева Т.П.
Түмүккэ: Бастакы миэтэни ыллылар Бэттиэмэ уонна Муоҕан түөлбэлэрэ, иккис миэстэни — Эрэл, үһүс миэстэ -Чараҥ.
Бары кыттааччыларбытыгар махталбытын тиэрдэбит.
Платон Алексеевич Ойуунускай төрөөбүт тылын туһунан маннык суруйбут: “Биһиги тылбыт, биһиги сурукпут үрдүү-үүнэ турар культурабытыгар бэрт сөптөөх, бэрт сытыы күүстээх туттар сэппит, үлэлиир сэппит буолуохтаах. Биһиги хас үүннэхпит-үрдээтэхпит ахсын тылбыт байан-сайдан, үрдүк үктэллэргэ тахсыахтаах”.
Комментарии