Бүгүн олунньу ый 14 күнүгэр нэһилиэкпитигэр 50 сыл бииргэ олорбут ытык мааны ыалларбытын: Василий Васильевич, Мария Ивановна Сыромятниковтары, Егор Григорьевич Варвара Егоровна Зыряновтары; Иван Павлович Маргарита Петровна Гаврильевтары, Петр Яковлевич Парасковья Васильевна Новгородовтары, Иван Иванович Люция Семеновна Ивановтары, Петр Петрович Ольга Иннокентьевна Кривошапкиннары чиэстээтибит. Бу киэһэни иилээн ыыттылар Федоров Денис Денисович, Саргылана Юрьевна дьиэ кэргэн. НэҺилиэк баһылыга Алексей Николаевич, улуустааҕы дьиэ кэргэн уонна ыччат политикатын отделын начальнига Екатерина Сергеевна Евстафьева эҕэрдэ суруктарын туттардылар. Эҕэрдэ кэнсиэргэ талааннаах дьиэ-кэргэттэр, культуратын үлэһиттэрэ ылбаҕай ырыаларын бэлэх ууннулар, тумус туттар дьиэ кэргэттэрбит оҕолоро, аймахтара эҕэрдэлээтилэр.
Ытык мааны ыалларбыт тапталгыт сылтан сыл оҕолоргут, сиэннэргит, хос сиэннэргит тапталларыттан силис мутук тардан, өссө сириэдийэн, күүһүрэн эдэр көлүөнэҕэ холобур буола турун.