Петр Сергучев салайааччылаах отчуоттуур бөлөх мунньаҕар Партизан нэһилиэгэр 60-ча олохтоох кыттыыны ылла. Видеотчуоту көрөн баран, былырыыҥҥы киирбит боппуруостар туолууларын кэпсттилэр, онтон кэпсэтиһиигэр киирдилэр. «Переселение» программатынан хас этээстээх дьиэ тутуута көҥүллэнэрин, чааһынай дьиэ өрөмүөнүгэр көмө харчы көрүллэрин суоҕун, ыт боппуруоһун, баһаарынай резервуар суолун оҥоруутун, «Д» категориялаах суоппардары оскуолалар бэйэлэрэ тоҕо үөрэттэрбэттэрин, оҕо уһуйаанын куукуна-прачката ханан да эппиэттэспэтин эттилэр. Сэрии кэмин оҕолоругар туох да чэпчэтии суоҕун, уот наһаа сотору-сотору арахсарын, кэккэ уулуссаларга уот кыамтата олус кыратын бэлиэтээн эттилэр. Нэһилиэктэринэн сылдьар автобуһу туруорустулар. Кирдээх тобоҕу таһыы боппуруоһа турда. Урут «Намкоммунтеплоэнерго» таһар эбит, билигин бу тэрилтэни кытта дуогабардара суох буолан, харыгыһы көрүстүбүт диэн эттилэр. Олохтоохтор ыйытыыларыгар толору хоруйдаатылар, этиилэрин боротокуолга тистилэр. Улуус сыллааҕы үлэтин «биһириибит» диэн сыана быстылар. «Нам улууһа» МТ пресс-сулууспата
