Бартыһаан нэһилиэгэр олоҥхо декадатын сабар тэрээһиннэ Хаҥалас нэһилиэгэр үрдүк таһаарыылаахтык үлэлии сылдьар биир идэлээх уолбут Владик Барамыгин В.Каратаев “Модун Эр Соготох” олонхоттон быһа тардыыны ааҕан иһитиннэрдэ, ону тэҥэ 2024 сыл Арассыыйаҕа “Дьиэ кэргэн” сылын көрсө нэһилиэкпитигэр Дьиэ кэргэнинээн олоҥхо ааҕыытын саҕалаатыбыт. Биир дойдулаахпыт, ытыктыыр убаастыыр киһибит Д.И.Кривошапкин “Сур Соноҕос аттаах Алтан Саар бухатыыр” олоҥхотун быһа тардан аахтылар. Салгыы дьиэ кэргэттэрбит умсугуйан дьарыктанан, сахабыт норуотун уус – уран айымньытын олоҥхону үөрэтиэхтэрэ, киэҥ эйгэҕэ таһаарыахтара диэн эрэнэбит.