Бартыһаан нэһилиэгин туруу үлэһит дьоно-сэргэтэ, тэрилтэлэрэ сүүрбэһис үйэ чулуу отчута Егор Протопопов үбүлүөйдээх күнүгэр аналлаах уонна кини механизированнай звенотун биригээдэтин аатыгар ыытыллыбыт «Муус 2023» диэн күрэхтэһиигэ бастыҥ ааты былдьастылар.
Ох курдук оҥостубут тэрилтэлэр сэтинньи 10 күнүгэр «Муҥур иэрэ» күөлгэ муус ылыытыгар көхтөөх, тыҥааһыннаах киирсиилэри көрдөрдүлэр. Егор Протопопов биригээдэтин дьонун кытта кэлэн, тэрээһини өссө ордук киэргэттилэр.
Улахан дьону тэҥэ оскуола оҕолоро Денис Федоров салайааччылаах күрэхтэстилээр. Кинилэр түмүгэр үһүс миэстэни ылбылар. Иккис миэстэҕэ детсад коллектива таҕыста. Маныаха улуус мунньаҕын председателэ Алексей Винокуров кэлэн детсад коллективыгар киирсэн күрэхтэһэн, бар дьонугар холобур буолбут, күүстэригэр күүс эптэ. Бастакы миэстэни олохтоох дьаһалта хамаандата ылбыт. Бары хамаандалар Егор Афанасьевич оҕолорун сиэннэрин аймахтарын ааттарыттан сыаналаах бириистэргэ тигистилэр.